Lehet Frasnitë (Cs) ndër 27 të theristiut 1920 ka Gustin Giordano e Rozina Bilotta, nipra të papas Binard Bilotës (1843-1918), kryeprift i Frasnitës, poet e letrar. Bën shkollat fillore në Frasnitë dhe ndër 1933 hyn te Seminari “Benedetto XV” i Grotaferratës (Rromë), ku kryen gjimnazin. Te viti 1938 shkon në “Pontificio Collegio Greco” të Rromës: këtu plotëson studimet licealë, dhe ata filozofikë dhe teologjikë pranë Universitetit Papësor “Angelicum”, ku fiton liçenxën në Teologji. Merr meshen ndër 18 të shën martirit 1945 dhe është i bënur famullitar i Ejaninës ndër 30 të majit 1946: këtu këndon të parën meshë ndër 16 të llanarit, festë e Shën Mërisë së Karmanit.

Çë ahirna zë, për atë, një i gjatë dhe i frytdhënës mision baritor, çë i rezervon shumë kënaqësira: nën udhëheqjen e tij e vogla Ejaninë i jep Eparkisë së Ungrës 5 priftra e 2 kallogjëreshe. Papas Manoli ka dhjetra e dhjetra vjet bashkëpunon aktivisht në Eparki: më parë si mbrojtës i qëndrueshëm i përdorimit të gjuhës arbëreshe në Liturgjinë, dhe pastaj si përkthyes i tekstevet, në “Komisjonin Liturgjik, të Muzikës Bixantine dhe të Artit të Shëjt”. Profesor në “Institutin e Shkencavet Relixhoze G.Stamati”, mësoi Liturgji, Kristologji, Eklesiologji, Gjuhë Greke, Gjuhë Arbëreshe, Muzikë Bixantine.

Në Ejaninë, shumë vjet më parë se Mesha të ish e prjerrë zyrtarisht në gjuhë arbëreshe (1968), kjo adhe këndohej arbërisht. Në Ejaninë, këndimi bixantin, grek dhe arbëresh, ësht i pranishëm te çdo pjesë liturgjike. Qisha e famullisë, e kushtuar Shën Vasilit - në vitin 1947 e zbukuruar me Ikonostasin – ka pak vjet ka pasur strehën dhe pikturën e jashtme të përtërijtura, si edhe shtrojën e përmbrëndshme me mermer. Shpia kanonike, edhe ajo e stisur ndër vitrat 1948-49, te gjithë këta vjet ka parë shumë gjenerata, çë papas Manoli ndjeku personalisht e me dashurì, ture i mësuar katekizëm, këndime dhe gjuhë arbëreshe.

Po papas Manoli Giordano s’ka merita vet në fushën relixhoze. Njetër aq, sadopak, i ka edhe në fushën kulturore arbëreshe. Bir i prindërve vjershtarë dhe stërnip i Binard Bilotës, papas Manoli te

Te viti 1972, dhe për 12 vjet (1972-1983) drejton rivistën kulturore “Zëri i Arbëreshvet”, ku boton artikuj gjuhësorë, historikë dhe letrarë, poezi, reçensjona, kënka popullore, fjalë të urta, dhe komedinë “Dorëngushti” (të Molierit): e shkurtuar, e modhifikuar dhe e prjerrë arbërisht. Priret në Shqipëri në vitin 1993 për turizëm, dhe në 1994 për motive relixhozë. Për dica vjet bëri edhe xhornalistin: ka mbajtur një rubrikë relixhoze mbi gazetën italiane të Montrealit (Canada) “Il Cittadino Canadese”, e botuar ka i nipi Basilio Giordano. E te viti 2000, papas Manoli, ka botuar të dyjtën Edicjon të “Fjalorit”; “Vangjelin e shën Matesë” në gjuhë arbëreshe, nën kujdesin e Eparkisë së Ungrës; dhe - bashkë me të tjerë autorë dhe nën kujdesin e Shoqatës Aiadi - bashëpunoi te vepra “Alfabetizzazione Arbëreshe”, çë do të jetë e dhuruar gjithve djemvet arbëreshë t’Italisë, çë frekuentojën shkollën fillore dhe të mesme.

prof. Agostino Giordano